My Ego……..

i follow
the curve of my ego……
i chase
for more and more;
with
wide streched arms
to possess the world
i go
the world has already
possessed me
i did not know……..!!!

MERE BHI HAI SAPNE

MERE BHI HAI SAPNE,
KUCHH
YEH NAHI KI RUDAN
JEEVAN KA,
AAROP HO KALANKO KA,
DAHEJ KE KAARAN
AAG KI LAPTO KA,
KALESH KA, DWESH KA,
JARA SOCHO PAPI ISS SE
NIKALKAR.
ARE ! MERE BHI SAPNE HAI
MAIN BHI JEENA CHAHATI HOO,
TUMHARE GHAR AANGAN ME
ISS NILAMBER ME,
ISS HAWA ME,
KHUSHIYA CHAHTI HOO
HA ! MAJBOOT HAI MERE KANDHE BHI
HAR BOJH UTHANA CHAHATI HOO
SADA TUMHARE SATH
CHALANA CHAHTI HOO
MAIN EK LADKI HOO
EK LADKI
YEH CHHOTI SI BAAT KEHNA CHAHTI HOO.

PAANI

PAANI TU PYAS BUJHATA,
PANI TU JEEWAN HAI
BIN TERE IS DHARATI PAR
JEEWAN YEH NEERAV HAI
SAMAJH NA PAYA
KISI NE TUJHAKO,
KITANE TERE RANG HAI
KOI KAHATA BERANG HAI TU,
KAHATA KOI TU SAHASRO RANG HAI
PAANI TERI KAHANI KAISI
SAMAJH NA PAYA MUN HAI.

DIWALI KE DEEP

ANANT LADIO KE CHAMKATE
JHUMAR DIKHATE HAI,
JO PAL ME JALTE-PAL ME BUJHATE HAI
RANG ?BIRANGE DEKHO KITANE
SUNDAR DIKHTE HAI
PAR JARA DEKHO HAT KAR BHI
UN DARWAJO PAR,UN DIWARO PAR
JAHAN ROSHANI NAHI HAI KOI
DIYA HAI JALTA KHIDKIYON ME
TIMTIMATI JISKI HAWA ME BAATI
MANO BUJHANE KO HAI
SUKH GAI HAI TARALATA
KHUD BAATI JALANE KO HAI
NA KEHAKER BHI KUCHH
PRASHN BAHUT KUCHH KAHNE KO HAI

Mere Mohan

mere Mohan, mere girdhar, mere gopal.

Kyu nazre pher rahe ho,
is mohmaya ki duniya me,
kyu tadapta dekh rahe ho,
kabhi to pukar suno,
kabhi vihwal chitkar suno,

Rag Rag me basne wale,
Kyu jhulsati aag me
jalata chhod rahe ho.
Kya maja hai tumhe
prani ke krandan me

kya tanik nahi suhati tumhe,
athkhelya kundan me.

mere mohan, mere girdhar,

kyu khamosh hai teri bansi,
kyu band hai tera hunkar,
kyu aaj bhi nahi aate,
sun kar manas pukar.

Mana hum adharmi hai
sakal paap ke bhagi hai,
par hai to tere pratibimb,
jab tum base ho har hraday me,
phir iske badrbhagi kya tum nahi,

phit kyu baithe ho,
khir sagar me, shesh saiya par,
aaram se.

tum dharo deh dhara par
phir dekho hata kya jivan hai.
hoti kya mamta kya moh hai.

mere mohan, mere girdhar mere gopal,

kshama prarthi hoon,
jo bole katu,
vyatha itni hai jo,
umad padi bin soche.

krunanidhan koi karo, upchar,
kahe vidhi lagao beda paar..

mere mohan mere girdhar mere gopal