Mausam ka ishaara hai abhi na jaaiye
Tod ke yoon dil humara, na jaaiye!
Bahaar ke rang ghule hain fizaaon mein
Bahaar ke aanchal se uth kar na jaaiye!
Zamane ki gardishen ruk to nahin jayengi
Duniya ki khatir humko chhod ke na jaaiye!
Jaane se aapke rooth ke baithe hain hum
Ab humko manane ki khatir hi na jaaiye!
Aankhon ki chamak humse chupate hain aap kyun
Aarzuon ne li hai angdaaiyan, abhi na jaaiye!
Tere pyaar ne woh raag cheda dil ke soone taaron par
Zindagi lage khoobsurat, phir kyun na gungunaoon main
Masti bhari nigaahen jaane kya kya ishaara karti hain
Samjhoon tere ishaare, phir kyun na muskuraoon main
Dekhi hai woh deewangi tere ishq ke har andaaz mein
Hai naaz uthaane wala koi, phir kyun na ithlaoon main
Yeh shokhiyaan teri, us par qayamat hai tera baankpan
Bebaak nigaahen teri hain, phir kyun na sharmaoon main
Saathi mera humdam hai, humraaz hai, mera humsafar
Tumsa na koi duniya mein, phir kyun na vaari jaaoon main
Ek Tera Ehsaas Hai Jo Har Waqt Mere Sath Hai
Ek Teri Yaad Hai Jo Din Raat Mujhe Tarpaati Hai
Ek Umeed Hai Tere Aane Ki Apna Tujhe Banane Ki
Na Chain Hai Na Sukoon Hai Ye Kaisa Mera Haal Hai
Ratein Ho gayi Hai Itni Lambi Jo Kaate Nahi Katteen
Na Bhookh Hai Na Pyaas Hai Na Koi Aas Hai
Na Koi Paas Hai Bas Ek Tera Ehsaas Hai
Jo Har Waqt Mere Sath Hai
Aaj phir panchhi sa udne ko dil chahta hai..
Sawan ki in mast baharo mai tumse milne ko dil chahta hai
Par jamane se abb tak hamne jana hai ki
Kayamat se gujra har ik ka fasana hai
Fir bhi ye ghatae dekh betab ye dil diwana hai
Tumhari khushbu ka ahsas dilati ye mand byaar
Badalte mausam ne lo yaad dila hi diya
Pal pal badlta wo tumhara mijaj
Ye mand sparsh byar ke dil ko dadka jate hai
Aur koyalo ke geet tumhare ankahe shabdo se
Kaano mai utarte se jate hai
Sanse fir tham jati hai, dil ko maigho sa tarsati hai
Najre jhook kar udth jati hai, har boondh mai tumko paati hai
Tumhara andeka chehra aankho kai samne har chhan maine paya hai
Tapti dopahri mai tumhare ahsaso ki hi tau chhaya hai
Par gar mil na sako tum tau koi gam nahi
Gujre jindagi teri chhah mai papihe si pyas mai
ye bhi tau kuchh kam nahi
