0

Raam prabhu jab van se aaye

Raam prabhu jab van se aaye
Ayodhyavasi khusi manaye
Saji Ayodhya dulhan jaisi
Sabne ghar me diye jalaye.

Tab se mana raha har koi
Diwali ke is tyohar ko
Jeet huwi hai sach ki hardam
Sandesh hai ye sansaar ko

Thaal saje hain deepon se
Hathon me phulon ki mala
Deep se deep jale chaun orr
Door andhera huwa uzzla.

Rang birange balbon se hi
Saja huwa hai har ek aangan
Main nahi kahta kahte sare
Parav hai kitna ye manbhawan.

Amber me bhi chamke tare
Rocket jo aakash me jate
Wo bhi khud ko rok na pate
Dekhne ko wo zami pea ate.

Kitni sunder hai ye dharti
Par pradhushan ne kiya prahar
Deewali me jalte patakhe lakhon
Jo karte watavaran ko bekar.

Pran Karen is diwali par
Nahi chuvenge koi bom
Hamari dharti bachi rahe
Tute na insano ka dum.

Khao khub, khilao khub
Har insan ko gale lagayen
‘deep’ Mubarak deta sabko
Milkar ye tyohar manayen.

0

jyoti parv aaya

Jagmag jagmag deep jal uthe,
jyoti parv aaya.
tod timir ke bandhan saare,
aao khushi manaayein.
ghar-ghar mein khush haali chhaye,
aise deep jalaayein.
deep jyoti ka parvdhara par,
swardim awasar laaya.
jyoti parv aaya.

Praan kiye balidaan desh par,
ek deep oos dware.
ek-ek deepak oos ghar mein,
jahaan sada andhiyaare.
saath nibhaana hai nirdhan ka,
ban kar uska saaya.
jyoti parv aaya.

Ek deep us ghar bhi rakhana,
jisane apana khoya.
pure varsh manaaya maatam,
foot-foot kar roya.
aaj use kuchh lage ki jaise,
usane bhi kuchh paaya hai.
jyoti parv aaya.

Dharti ke sab praani khul kar,
naache jhoome gaayein.
bhool parspar bhed bhaav sab,
abhinav parv manaayein.
jeevan mein jeevan ko samjhein,
ho kuchh aisi maaya.
jyoti parv aaya.

Jagmag-jagmag deep jal uthe,
jyoti parv aaya.

0

Maah Kartik Krishan Paksh ki

Maah Kartik Krishan Paksh ki,
raat Amavas jab aati hai.
apane sang mein deep jyotika,
abhinav ek parv laati hai.

Ghar ghar mein hone lagati hai,
saaf safai rang putaai.
bazaaron mein bikane lagate hain,
khel khilaune aur mithaai.

Raat manoram ke aate hi,
jagmag deep jalaaye jaate.
lagata aasmaan ke taare,
saare dharti par aa jaate.

Ramu, Suraj, Geeta, Tara,
sab bachchon ke mann khil jaate.
lekar bam, fuljhadi, pataakhe,
bachche sadakon par aa jaate.

Ardhraatri tak saare bachche,
mil kar aisi dhoom machaate.
swarglok ke sabhi devta,
drishya dekh harshit ho jaate.